لاہور، ایران کے صدر ابراہیم رئیسی نے کہا ہے کہ غزہ سے متعلق اصولی مؤقف پر پاکستان کو سراہتے ہیں۔
اسرائیل سے جنگ میں فلسطینی کامیاب ہوں گے، ایرانی صدر نے لاہور آمد پر مزار اقبال پر حاضری دی جہاں انہوں نے علامہ اقبال کی قبر پر پھول چڑھائے اور فاتحہ خوانی کی۔
ایرانی صدر کا کہنا ہے کہ مجھے پاکستان آکر اجنبیت کا بلکل احساس نہیں ہوا اور پاکستان کے لوگوں میں ایران کیساتھ خاص وابستگی پائی جاتی ہے، پاکستان کے لوگوں کو سلام پیش کرتا ہوں۔
عمران خان کی رہائی کب ممکن ہے، رہنما پی ٹی آئی کا دعویٰ سامنے آگیا
ابراہیم رئیسی کا کہنا تھا کہ پاکستان اور ایران کے دل ہمیشہ جڑے رہیں گے، پاکستان میں عوامی جلسے سے خطاب کرنا چاہتا تھا مگر کچھ وجوہات کی وجہ سے ممکن نہیں، غزہ سے متعلق اصولی مؤقف پر پاکستان کو سراہتے ہیں، اپنی قوم اور اپنے مجاہدوں پر بہت ناز ہے، اسرائیل سے جنگ میں فلسطینی کامیاب ہوں گے۔
