اسلام آباد، وزیراعظم کے مشیر رانا ثناء اللہ نے کہا ہے کہ مولانا فضل الرحمان سے بات کریں گے اور ان کے مارچ سے سختی کرنے کا کوئی ارادہ نہیں۔
گفتگو کرتے ہوئے رانا ثناءاللہ نے کہا کہ مولانا فضل الرحمان سے احترام کا رشتہ ہے، وہ ہمارے ساتھی رہے ہیں، نواز شریف اور شہباز شریف سے مولانا فضل الرحمان کے ذاتی تعلقات ہیں۔
مولانا فضل الرحمان سے بات ہورہی ہے اور ہوگی، مولانا کی سمجھنے اور بات سمجھانے کی کوشش کریں گے، مولانا کے مارچ سے سختی سے نمٹنے کا کوئی ارادہ نہیں ہے، معاملے کو خوش اسلوبی سے طے کریں گے۔
پی ٹی آئی سے متعلق بات کرتے ہوئے رانا ثناء اللہ کا کہنا تھا کہ پی ٹی آئی کیجانب سے سنجیدگی کا مظاہرہ ہو تو بات کی جاسکتی ہے، جب تک سب سر جوڑ کر نہیں بیٹھیں گے سیاسی عدم استحکام رہے گا۔
انہوں نے مزید کہا کہ پی ٹی آئی کی جانب سے سنجیدگی کا مظاہرہ ہو تو بات کی جاسکتی ہے۔
