لاہور ہائیکورٹ نے پنجاب بھر کے ڈپٹی کمشنرز کو پولی تھین بیگز سے متعلق پالیسی بنانے کی ہدایت کردی۔
لاہور ہائیکورٹ کے جج جسٹس شاہد کریم نے اسموگ تدارک کی درخواستوں پر تحریری حکم جاری کیا۔
لاہور ہائیکورٹ نے ہدایت کی کہ ہر ڈپٹی کمشنر پولی تھین بیگز اکٹھے کرے اور تلف کیلئے پالیسی بنائے اور شہریوں پر فیس عائد کرنے کو بھی پالیسی بنایا جائے۔
عدالت نے آئندہ سماعت پر پنجاب کے تمام اضلاع کی پالیسی عدالت میں پیش کرنے کی ہدایت کی، عدالت نے یہ بھی ہدایت کی کہ پنجاب بھر کی صنعتوں کو فضلا اور آلودگی کا باعث نہ بننے والے ڈیوائسز لگائی جائیں۔
عدالت نے چیمبر آف کامرس کو ہدایات جاری کرتے ہوئے 4 ہفتوں میں رپورٹ طلب کرلی جب کہ عدالت نے آلودگی کا باعث بننے والی فیکٹریوں اور بھٹوں کیخلاف کارروائیاں جاری رکھنے کا بھی کہا۔
