پی ٹی آئی رہنما حامد خان نے کہا ہے کہ حکمران اتحاد سے اس لیے بات نہیں کریں گے کیونکہ انہوں نے ہماری سیٹیں چرائی ہیں۔
نجی ٹی وی چینل پر گفتگو کرتے ہوئے حامد خان نے کہا کہ مریم نواز اور شہباز شریف نے الیکشن ہارنے کے بعد حکومت بنائی ہوئی ہے اگر وہ حکومت چھوڑ دیں تو ہی بات ہوسکتی ہے۔
حامد خان کا کہنا تھا بہت زیادہ دباؤ ہوتا ہے تب ہی اسٹیبلشمنٹ بات کرنے کیلئے مجبور ہوتی ہے، حامد خان نے کہا کہ میں نہیں سمجھتا کہ 9 مئی کے بعد پی ٹی آئی جن مراحل سے گزری ہے اس میں مذاکرات کا کوئی فائدہ ہوسکتا ہے۔
اسلام آباد ہائیکورٹ کے ججز کے خط پر ہمارا اب بھی مطالبہ ہے کہ سپریم کورٹ فل کورٹ بنا کر سماعت کرے۔