امریکی فوجی کو روس میں چوری کے الزام میں گرفتار کرلیا گیا۔
اسٹاف سارجنٹ 34 سالہ گورڈن بلیک شادی شدہ ہے اور وہ جنوبی کوریا میں تعینات تھا۔
غیر ملکی میڈیا کے مطابق گورڈن بلیک اپنے گھر جانے کے بجائے اپنی دوست سے ملنے روس چلا گیا۔
امریکی حکام کے مطابق امریکی فوجی کی گرفتاری کے بعد سے امریکہ کے روس سے تعلقات مزید خراب ہوگئے ہیں۔
حکام کے مطابق فوجی نے اپنی یونٹ کو یہ نہیں بتایا تھا کہ وہ روس جارہا ہے اور نہ ہی اسے وہاں جانے کی کوئی اجازت ملی تھی، فوجی اہلکار گھر واپس جانے کے سلسلے میں چھٹیوں پر تھا۔
فوج کی ترجمان سنتھیا اسمتھ نے تصدیق کرتے ہوئے بتایا ہے کہ ایک امریکی فوجی کو مجرمانہ عمل کے الزام میں حراست میں لیا گیا ہے، امریکی محکمہ خارجہ روس میں فوجی کو مناسب قونصلر مدد فراہم کر رہا ہے۔
