واشنگٹن: امریکی صدر جو بائیڈن نے اسرائیل کو خبردار کرتے ہوئے کہا کہ اگر غزہ کے شہر رفح پر زمینی حملہ کیا گیا تو اسرائیل کو ہتھیاروں کی فراہمی روک دیں گے۔
غیر ملکی چینل کو انٹرویو دیتے ہوئے جوبائیڈن نے کہا کہ اس بات کو یقینی بنانے کی کوشش کررہے ہیں کہ اسرائیل پر ماضی جیسا حملہ دوبارہ نہ ہو۔
امریکی صدر کا کہنا تھا کہ ہم اسرائیل کو ہتھیار اور بم گولے فراہم نہیں کررہے اور اس حوالے سے اسرائیلی صدر اور جنگی کابینہ کو بھی آگاہ کردیا گیا ہے۔
ادھر اسرائیل نے مشرقی رفح میں حملہ کرکے تیل کا ذخیرہ تباہ کردیا، دوسری جانب امریکی سی آئی اے چیف ولیم برنز نے اسرائیلی وزیراعظم سے ملاقات کی جس حوالے سے اسرائیلی حکام کا کہنا ہے کہ ملاقات میں یرغمالیوں کی رہائی رفح آپریشن معطل کرنے کے امکان پر بات ہوئی ہے۔
