راولپنڈی: آرمی چیف جنرل قمر جاوید باجوہ اور امریکی وزیر دفاع کے درمیان ٹیلی فونک رابطہ ہوا جس میں خطے میں امن و امان کے معاملے پر بات چیت کی گئی۔ پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ اور امریکی وزیر دفاع جیمز میٹس کے درمیان ٹیلی فونک رابطہ ہوا جس میں دونوں شخصیات نے 20 منٹ تک گفتگو کی اوراس دوران آرمی چیف جنرل قمر جاوید باجوہ نے امریکی وزیر دفاع جیمز میٹس کو عہدہ سنبھالنے پر مبارکباد دی۔
#COAS and US Secy Def had 20 minutes tel conversation. Secy commended sacrifices and resilience of Pak People and Armed Forces of Pakistan. pic.twitter.com/N0Rf3A2yHK
— Maj Gen Asif Ghafoor (@OfficialDGISPR) February 9, 2017
آئی ایس پی آر کے مطابق آرمی چیف اور امریکی وزیر دفاع کے درمیان خطے میں قیام امن کے لیے بات چیت کی گئی جب کہ اس دوران امریکی وزیر دفاع نے دہشت گردی کے خلاف جنگ میں پاک فوج اور پاکستانی عوام کی قربانیوں کو سراہتے ہوئے کہا کہ دہشت گردی کے خلاف جنگ میں پاک فوج نے اہم کردار ادا کیا۔