اسلام آباد کی فضائی حدود بند رکھنے کا فیصلہ

اسلام آباد کی فضائی حدود 20 سے 23 مارچ تک روزانہ چند گھنٹوں کے لیے بند رکھنے کا فیصلہ کیا گیا ہے۔فضائی حدود بند کرنے کی وجہ یوم پاکستان کی تیاریاں ہیں۔ بیس، اکیس اور بائیس مارچ کو شہر کی فضائی حدود صبح 8 سے دوپہر 12 جبکہ دوپہر 2 سے شام 4 بجے تک بند رہیں گی۔تئیس مارچ کو یوم پاکستان کی پریڈ کے موقع پر فضائی حدود صبح 8 سے شام 4 بجے تک بند رکھی جائیں گی۔یوم پاکستان کی پریڈ میں ملائیشیا کے وزیراعظم مہاتیر محمد کے علاوہ دنیا بھر سے نمایاں شخصیات شرکت کریں گی۔اس کے علاوہ یوم پاکستان کی تقریب میں فضائی کرتب دکھانے کیلئے چین سے خصوصی ٹیم اتوار کو پاکستان پہنچےگی۔