روسی صدر ویلادیمیر پیوٹن کی جانب سے سعودی ولی عہد شہزادہ محمد بن سلمان سے ٹیلی فونک رابطہ کیا گیا۔
عالمی میڈیا کے مطابق دونوں رہنماؤں کے درمیان دو طرفہ تعلقات اور علاقائی امن و استحقام کے امور پر تبادلہ خیال کیا گیا۔
یاد رہے کہ روسی صدر کی جانب سے یہ رابطہ ایران کے دورے کے بعد کیا گیا جبکہ گزشتہ دنوں امریکی صدر جو بائیڈن بھی مشرق وسطیٰ کا دورہ کر چکے ہیں ۔
روسی صدر نے حالیہ دورہ تہران کے دوران سپریم لیڈرآیت اللہ خامنہ ای سے ملاقات کی تھی جہاں آیت اللہ خامنہ ای کا کہنا تھا کہ ایران اور روس کو مغربی ممالک کے دھوکے سے چوکنا رہنے کی ضرورت ہے۔
روسی اور ترک صدر نے گزشتہ ہفتے شام کے تنازعے کے حوالے سے ایران کا دورہ کیا تھا۔