گجرات کے علاقہ لالہ موسیٰ میں ناراض داماد نے سسرالیوں کے گھر میں گھس کر فائرنگ کر دی ۔
ملزم کی فائرنگ سے سسر اور سالہ موقع پر ہی جاں بحق ہو گئے ۔فائرنگ کے بعد ملزم فرار ہونے میں کامیاب ہو گیا۔
پولیس کے مطابق داماد نے سسرال میں گھس کر فائرنگ کر دی ، واقعے میں سسر، سالہ جاں بحق جبکہ ساس زخمی ہوگئی۔
بیوی کی جانب سے خلع کی درخواست دائر کرنے کے تنازع پر شوہر نے سسرال میں گھس کر فائرنگ کی۔
ریسکیو ٹیموں نے مقتولین کی لاشیں اور زخمی خاتون کو اسپتال منتقل کر دیا ۔
پولیس کا کہنا ہے کہ ملزم کے گرفتاری کے لیے چھاپے مارے جا رہے ہیں ،پولیس نے واقعے کا مقدمہ درج کر لیا۔
