استحکام پاکستان پارٹی کی سیکرٹری اطلاعات فردوس عاشق اعوان نے کہا ہے کہ میری شادی پر 200 تولے سونا دیا گیا، بہن کی شادی پر بھینسوں کو بھی سونے کے کنگن پہنائے گئے۔
تفصیلات کے مطابق ملک کی نامور خاتون سیاستدان فردوس عاشق اعوان نے اپنی ازدواجی زندگی سے متعلق بتایا کہ ان کے شوہر اوورسیز پاکستانی ہیں۔
کئی مرتبہ لڑائیاں کر چکی تاہم وہ میرا مزاج سمجھ گئے ہیں کہ میرا غصہ وقتی ہوتا ہے، اس لئے وہ اب برا نہیں مناتے۔
انہوں نے کہا کہ مجھے شادی پر 200 تولے سونا ملا تاہم مجھے سونے سے محبت نہیں اس لئے کبھی کسی نے سونا پہنے نہیں دیکھا ہو گا۔
انہوں نے انکشاف کیا کہ ان کی بہن کی شادی پر بھینسوں کو بھی سونے کے کنگن پہنائے گئے۔ شادی پر سونا دینا روایات میں شامل ہے۔
