ملزم کو فرار کروانے والے اسسٹنٹ ڈائر یکٹر اینٹی کرپشن خالد محمود کو گرفتار کر لیا گیا ۔
ترجمان محکمہ اینٹی کرپشن کے مطابق اسسٹنٹ ڈائریکٹر ننکانہ خالد محمود زیر حراست ملزم کو مقامی پولیس اسٹیشن حوالات میں بند کرنے لے گئے اس دوران ملزم کے ساتھیوں نے اسے فرار کروا دیا اور اسسٹنٹ ڈائر یکٹر خالد محمود نے کسی قسم کی مزاحمت نہیں کی اور فرار کو چھپایا۔
بیان کے مطابق واقعہ کی تحقیقات سے ثابت ہوا کہ اسسٹنٹ ڈائریکٹر نے اپنے فرائض سے غفلت اور لاپرواہی برتی ۔پولیس اسٹیشن چونگ میں خالد محمود کے خلاف مقدمہ درج کرلیا گیا ۔
اسسٹنٹ ڈائریکٹر اینٹی کرپشن کوریمانڈ کیلئے آج عدالت میں پیش کیا جا ئےگا ۔