اے این ایف کے مطابق ریلوے ملازمین منشیات کی اسمگلنگ میں ملوث ہیں۔
اینٹی نار کوٹکس ( اے این ایف ) نے راولپنڈی ریلوے اسٹیشن پر کارروائی کرتے ہوئے منشیات اسمگلنگ کی کوشش ناکام بناتے ہوئے ٹرین کے انجن میں چھپائی گئی چرس اور آئس برآمد کرلی ۔
اے این ایف کے مطابق 12 کلو چرس اور ایک کلو آئس ٹرین کے انجن میں چھپائی گئی تھی کہ جسے متحرک کارروائی کے دوران برآمد کرلیا گیا ہے ۔
کارروائی کے دوران ٹرین کے ڈرائیور اور اسسٹنٹ ڈرائیور کو موقع سے گرفتار کرلیا گیا ہے ۔
ملزمان کے کیخلاف انسداد منشیات ایکٹ کے تحت مقدمات درج کرکے تحقیقات کا آغاز کر دیا گیا ہے ۔
