بھارتی اداکارہ ماڈل اروشی روٹیلا کو انکے 24 قیراط سونے کا آئی فون چوری کرنے والے شخص کا پتا چل گیا۔
آئی فون چور نے اداکارہ سے اہم مطالبہ کردیا۔
پندرہ اکتوبر کو آئی سی سی ورلڈکپ میں پاکستان اور بھارت کے درمیان میچ کے دوران اروشی روٹیلا کا مہنگا ترین فون اسٹیڈیم میں گم ہو گیا ہے، اروشی روٹیلا نے سوشل میڈیا پر مداحوں سے درخواست کی تھی کہ میرا 24 قیراط گولڈ کا آئی فون کھو گیا ! اگر کسی کو یہ فون نظر آ جائے تو برائے مہربانی میری مدد کرتے ہوئے مجھ سے جلد از جلد رابطہ کرے۔
بھارتی میڈیا کے مطابق اروشی روٹیلا کو 16 اکتوبر کو ایک ای میل موصو ل ہوئی جس میں لکھا تھا کہ آپ کا آئی فون میرے پاس ہے، اگر آپ اپنا آئی فون واپس لینا چاہتی ہیں تو آپکو میرے بھائی کو کینسر سے بچانے میں میری مدد کرنا ہوگی۔
واضح رہے کہ بھارتی اداکارہ اروشی روٹیلا نے سوشل میڈیا پر کہا تھا کہ جو کوئی میرا آئی فون ڈھونڈنے میں میری مدد کرے گا، میں اسے انعام دوں گی۔
