لاہور : آرگنائزڈ کرائم یونٹ چوہنگ نے مینار پاکستان جلسے میں سندھ سے آنے والے 15 جیب تراش و چور گینگ ممبران کو گرفتار کر لیا گیا ہے۔
ایکسپریس نیوز کے مطابق ملزمان نے دوران تفتیش انکشاف کیا ہے کہ 40 سے 45 رکنی گروہ ہے جو کہ سندھ سے آیا ہے۔
ڈی ایس پی آرگنائزڈ کرائم یونٹ چوہنگ فاروق اصغر اعوان کا کہنا ہے کہ ملزمان جلسہ گاہ میں لوگوں کو لوٹ کر دوبارہ صوبوں میں فرار ہو جاتے تھے، ملزمان سابقہ ریکارڈ یافتہ ہیں اور ان سے چوری و جیب تراشی جیسی متعدد وارداتوں کا انکشاف ہوا ہے، ملزمان سے تفتیش کا عمل جاری ہے، ملزمان کو پراسیکوشن پارٹنر شپ کی مدد سے سخت سزا دلوائی جائےگی۔
ڈی آئی جی آرگنائزڈ کرائم یونٹ لاہور کیطرف سے ڈی ایس پی چوہنگ اور انکی ٹیم کو شاباشی اور تعریفی سرٹیفیکٹ دیے جائیں گے ، ڈی آئی جی نے کہا کہ جرائم پیشہ عناصر کیخلاف مزید کارروائیاں جاری رہیں گی۔
