بھارت میں ایک شخص نے سوئٹزر لینڈ سے تعلق رکھنے والی اپنی گرل فرینڈ کو بھارت بلا کر بے رحمی سے قتل کر دیا۔
بھارتی میڈیا کے مطابق گرپریت سنگھ نامی شخص نے سوئٹزر لینڈ میں لینا نامی خاتون سے ملا جہاں دونوں کی دوستی ہو گئی جسکے بعد اکثر بھارت سے سوئٹزر لینڈ لینا سے ملنے جایا کرتا تھا۔
پولیس کے مطابق گرپریت سنگھ کو اپنی گرل فرینڈ پر شک ہوا کہ اسکا کسی اور سے تعلق چل رہا ہے جس کی بنا پر اس نے لینا کو بھارت میں بلا کر قتل کردیا، پولیس کا بتانا ہے کہ گرپریت کے کہنے پر لینا 11 اکتوبر کو بھارت پہنچی اور 5 دن بعد گرپریت نے لینا کے دونوں ہاتھ اور ٹانگوں کو باندھ کر قتل کر دیا جس کے بعد اس نے لینا کی لاش کو ایک شاپنگ بیگ میں ڈال کر گاڑی میں ہی رکھا اور تعفن آنے پر لاش کو نئی دہلی کے علاقے تلک نگر میں ایک سرکاری اسکول کے قریب پھینک دیا۔
پولیس نے بتایا کہ لاش ملنے پر پولیس حرکت میں آئی اور اس نے کارروائی کرتے ہوئے گرپریت کو گرفتار کرلیا جس نے واردات کا اعتراف بھی کیا۔
