ن لیگ کے سنیئر رہنما رانا ثنا اللہ کا کہنا ہے کہ سابق وزیراعظم اور مسلم لیگ (ن) کے قائد نواز شریف نے سب ملکر کام کرنے کی جو بات کی ہے، اس میں پی ٹی آئی بھی شامل ہے۔
جیو نیوز کے پروگرام نیا پاکستان میں گفتگو کرتے ہوئے رہنما (ن) لیگ کا کہنا تھا کہ نواز شریف کی کی گئی بات میں پی ٹی آئی بھی شامل ہیں لیکن 9 مئی کا مجرم ٹولہ اس میں شامل نہیں ہے۔
رانا ثناء اللہ کا کہنا تھا کہ کیا 9 مئی کے ملزمان کے علاوہ پی ٹی آئی کا کوئی وجود ہے۔
واضح رہے کہ نواز شریف چارسال کے بعد ہفتے کو پاکستان واپس آئے ہیں، وطن واپسی پر (ن) لیگ کی جانب سے لاہور میں مینار پاکستان پر جلسے کا انعقاد کیا گیا۔
جلسے میں خطاب کے دوران میاں نوازشریف کا کہنا تھا کہ میرے دل میں اب انتقام کی تمنا نہیں ہے، میں قومی کی خدمت کرنا چاہتا ہوں، ہمیں اب ڈبل اسپیڈ سے دوڑنا ہوگا۔
