پشاور: ضلع خیبر میں ایک چیک پوسٹ پر خود کش دھماکے میں 3 اہلکار زخمی ہوگئے۔
پولیس کے مطابق ضلع خیبر کی وادی تیرہ میں قوم کا خیل سروزئے چیک پوسٹ پر بدھ کی صبح ہونے والے خود کش دھماکے میں زخمی ہونے والے 3 اہلکاروں کو قریبی اسپتال منتقل کر دیا گیا ہے۔
ایس ایچ او تھانہ تیراہ کے مطابق خود کش حملہ آور نے بارودی سے بھری کارکو چیک پوسٹ سے ٹکرا دیا، جس کے نتیجے میں 3 اہلکار زخمی ہوگئے، جنہیں طبی امداد کیلئے قریبی اسپتال منتقل کیا گیا ہے۔
ابتدائی اطلاعات میں بتایا گیا ہے کہ خود کش دھماکے میں فورسز کے 3 جوان صوبیدار محمد اسرار، سپاہی افتخار اور سپاہی شفیق نارول زخمی ہوئے۔