جنوبی افریقا کے جارح مزاج وکٹ کیپر بیٹر ہینری کلاسن نے ٹیسٹ کرکٹ سے ریٹائرمنٹ کا اعلان کر دیا۔
32 سالہ جنوبی افریقی کرکٹر ہینری کلاسن نے پیر کو سوشل میڈیا پوسٹ کے ذریعے ٹیسٹ کرکٹ سے ریٹائرمنٹ کا اعلان کیا، کلاسن کیجانب سے ٹیسٹ کرکٹ سے ریٹائرمنٹ کا اعلان اس وقت کیا گیا ہے جب انکو بھارت کیخلاف حالیہ سیریز کیلئے اسکواڈ میں شامل نہیں کیا گیا تھا۔
ون ڈے اور ٹی ٹوئنٹی میں اپنی جارحانہ بیٹنگ سے شائقین کے دلوں میں جگہ بنانے والے کلاسن نے جنوبی افریقا کیجانب سے 4 ٹیسٹ میچز کھیلے اور مجموعی طور پر 108 رنز اسکور کیے۔
واضح رہے کہ کلاسن سے قبل گزشتہ دنوں بھارت کیخلاف 2 میچز کی سیریز کے اختتام پر جنوبی افریقی کپتان ڈین ایلگر ٹیسٹ کرکٹ سے ریٹائر ہوگئے تھے۔