الیکشن ٹربیونل نے خواجہ سرا نایاب علی کے الیکشن لڑنے کیلئے کاغذات نامزدگی منظور ہونے کے خلاف اپیل خارج کر دی۔
ملتان کے ووٹر خواجہ سرا ندیم ظفر نے نایاب علی کے کاغذات منظوری کو چیلنج کیا تھا۔
اسلام آباد ہائیکورٹ کے الیکشن اپیلٹ ٹربیونل کے جسٹس ارباب محمد طاہر نے اپیل پر سماعت کی اور نایاب علی کے کاغذات نامزدگی منظور ہونے کیخلاف اپیل کو خارج کر دیا۔
الیکشن ٹربیونل کے جسٹس ارباب طاہر نے آراو کے فیصلے کیخلاف اپیل مسترد کی اور خواجہ سرا کے کاغذات نامزدگی منظور کرنے سے متعلق ریٹرننگ آفیسر کا فیصلہ برقرار رکھا۔
