برازیل کے اسٹار فٹبالر رونالڈو نے کرکٹ کی دنیا میں سب سے زیادہ سوشل میڈیا فالوررز رکھنے والے سابق بھارتی کپتان ویرات کوہلی کو پہچاننے سے انکار کر دیا۔
میڈیا رپورٹ کے مطابق گوگل کی سرچ انجن میں سب سے زیادہ تلاش کیے جانے والے بھارتی کرکٹر ویرات کوہلی سرفہرست ہیں جبکہ سوشل میڈیا پر انکے فالورز کی تعداد کئی عظیم کرکٹرز سے زیادہ ہے۔
معروف یوٹیوبر اسپیڈ کی سماجی رابطے کی سائٹ ٹوئٹر (ایکس) پر ویڈیو وائرل ہو رہی ہے جس میں برازیل کے اسٹار فٹبالر سے ویرات کوہلی سے متعلق سوال کرتے دکھائی دے رہے ہیں۔
— V (@CricKeeda18) January 10, 2024
یوٹیوبر نے سوال کیا کہ کیا آپ ویرات کوہلی کو جانتے ہیں؟ جس پر فٹبالر نے جواب دیا کہ ”کون، نہیں جانتا“، اسپیڈ نے دوبارہ سوال دہرایا اور کہا کہ کوہلی ایک کھلاڑی ہیں آپ انہیں جانتے؟ جس پر رونالڈو نے جواب دیا کہ وہ یہاں زیادہ مقبول نہیں !
