مری، غیر قانونی تعمیرات اور تجاوزات کیخلاف آپریشن میں 20 سے زائد عمارتیں، ہوٹلز اور دکانیں گرا دی گئیں۔
ایڈیشنل ڈپٹی کمشنر قاسم اعجاز کے مطابق نگران وزیر اعلیٰ کی ہدایت پر غیر قانونی تعمیرات اور تجاوزات کے خلاف آپریشن کیا گیا۔
ایڈیشنل ڈپٹی کمشنر نے بتایا کہ آپریشن جیگاگلی، مسیاڑی روڈ اور مری شہر میں کیا گیا جبکہ آپریشن کے دوران 20 سے زائد عمارتیں، ہوٹلز اور دکانیں گرائی گئیں۔
آپریشن میں رکاوٹ ڈالنے والوں کیخلاف مقدمات درج کیے جارہے ہیں، مری میں تجاوزات کے باعث سیاحوں کو مشکلات کاسامنا ہوتا ہے۔
