لاہور، 5 سالہ بچی کو اغواء کرلیا گیا، والدین نے آئی جی پنجاب سے نوٹس لینے کی اپیل کر دی۔
لاہور کے علاقے نوان کوٹ میں ننھی کلی گھر سے قریبی دکان پر بسکٹ لینے گئی تھی کہ ملزم نے اسے اغوا کیا۔
پولیس کا کہنا ہے کہ 5 سالہ بچی کے اغواء کا مقدمہ درج کرکے تفتیش شروع کردی ہے۔
اہلخانہ کا مؤقف ہے کہ بچی کو اغوا کرکے لیجانے کی سی سی ٹی وی فوٹیج مل گئی ہے، جس میں ملزم بچی کو اٹھا کر لے جاتا دکھائی دے رہا ہے، اسکے باوجود انویسٹی گیشن پولیس ملزم تک نہیں پہنچ سکی۔
