اسلام آباد، پاکستان نے ایران میزائل حملے کا بھرپور جواب دیتے ہوئے ایران میں دہشتگردوں کے ٹھکانوں کو نشانہ بنایا۔
پاکستان نے ایران کے صوبہ سیستان و بلوچستان میں دہشتگردوں کے ٹھکانوں کیخلاف کارروائی کی۔
انٹیلیجنس پر مبنی آپریشن کے دوران متعدد دہشتگرد مارے گئے، پاکستان نے جوابی کارروائی میں کسی شہری یا ایرانی تنصیبات کو نشانہ نہیں بنایا۔
ترجمان دفتر خارجہ کے مطابق پاکستان نے بلوچ علیحدگی پسندوں کی موجودگی اور سرگرمیوں کے ٹھوس شواہد کیساتھ متعدد ڈوزیئرز ایران کیساتھ شیئر کیے۔
ہمارے سنجیدہ تحفظات پر عمل نہ ہونے کی وجہ سے نام نہاد سرمچار بے گناہ پاکستانیوں کا خون بہاتے رہے، آج صبح دہشتگردوں کیخلاف کارروائی مصدقہ انٹیلیجنس کی روشنی میں کی گئی، انتہائی پیچیدہ آپریشن پاکستان کی مسلح افواج کی پیشہ وارانہ مہارت کا منہ بولتا ثبوت ہے۔