پی ٹی آئی کے روپوش رہنما مراد سعید عام انتخابات سے دستبردار ہو گئے۔
ہائیکورٹ میں کاغذات نامزدگی کیخلاف دائر درخواست کی سماعت کے دوران مراد سعید کے وکیل نے عدالت کو بتایا کہ انہوں نے ٹکٹ واپس کیا ہے۔
3 رکنی بینچ پر مشتمل پشاور ہائیکورٹ کے جج نے پی ٹی آئی رہنما کے کاغذات نامزدگی مسترد کیے جانے کیخلاف درخواست پر فیصلہ محفوظ کیا تھا۔
سماعت کے دوران پی ٹی آئی وکیل نے عدالت کو بتایا کہ درخواست گزار نے ٹکٹ واپس کر دیا ہے، وہ انتخابات میں حصہ نہیں لے رہے، عدالت نے درخواست واپس لیے جانے کی بنا پر نمٹا دی۔
