راولپنڈی، تھانہ مندرہ کے علاقے میں شادی کا جھانسہ دیکر لڑکی کو مبینہ طور پر زیادتی کا نشانہ بنانے والے باپ اور بیٹے کو گرفتار کرلیا گیا۔
متاثرہ لڑکی نے موقف اختیار کیا کہ حماد خان نے بہلا پھسلا کر شادی کا جھانسہ دیا اور گھر لے گیا جہاں حماد خان اور اسکا والد رزاق خان مسلسل زیادتی کا نشانہ بناتے رہے۔
شکایت پر مندرہ پولیس نے مقدمہ درج کرکے دونوں ملزمان حماد اور اسکے والد رزاق کو گرفتار کرلیا۔
ایس پی صدر نبیل کھوکھر کا کہنا تھا کہ گرفتار ملزمان کو ٹھوس شواہد کیساتھ چلان کرنے کیلئے تمام قانونی تقاضے پورے کیے جائیں گے، خواتین پر تشدد اور زیادتی ناقابل برداشت ہیں۔