اسلام آباد، سابق وفاقی وزیر اطلاعات فواد چوہدری نے الیکشن کمیشن کو خط لکھ کر اپنے گروپ سمیت عام انتخابات سے دستبرداری کا اعلان کر دیا ہے۔
فواد چوہدری نے خط میں لکھا کہ ”انتخابات کا مقصد عوام کو اپنے نمائندے چننا ہے، لیکن اگر انتخابات میں چناؤ ہی نہیں ہے تو انتخابات کا کیا مقصد ہے، مجھے الیکشن سے دستبردار کرانے کیلئے جعلی مقدمات میں گرفتار کیا گیا، میرے کاغذات نامزدگی میں رکاوٹ ڈالی گئی، میرے بھائی کو گرفتار کرلیا گیا۔“
الیکشن کمیشن کو لکھے گئے خط میں یہ بھی لکھا کہ انتخابات کا کھیل اس طرح رچایا گیا کہ بقول وارث شاہ ” گلیاں ہوجان سنجیاں تے وچ مرزا یار پھرے “۔
واضح رہے کہ اس سے قبل پی ٹی آئی رہنما مراد سعید اور اعظم سواتی بھی عام انتخابات سے دستبردار ہو چکے ہیں اور انہوں نے پارٹی کو ٹکٹ بھی واپس کردیے ہیں۔
