راولپنڈی، پاک افغان سرحد کے قریب ژوب میں سیکیورٹی فورسز نے خفیہ اطلاعات پر آپریشن کے دوران 7 دہشتگردوں کو ہلاک کردیا۔
سیکیورٹی فورسز اور دہشتگردوں کے درمیان فائرنگ کا تبادلہ ہواجس میں 7 دہشتگرد مارے گئے ہیں، دہشتگردوں کے قبضہ سے اسلحہ اور دھماکہ خیز مواد برآمد کرلیا گیا ہے۔
آئی ایس پی آر کا کہنا تھا کہ سیکیورٹی فورسز پاکستان سے دہشتگردی کے خاتمے کیلئے پرعزم ہیں، ہلاک دہشتگرد سیکیورٹی فورسز کیخلاف کارروائیوں اور شہریوں کے قتل میں ملوث تھے۔