ملتان، سابق وزیراعظم یوسف رضا گیلانی نے کہا کہ ہم کسی چور دروازے سے نہیں عوام کی طاقت سے حکومت میں آئیں گے۔
ملتان میں میڈیا سے گفتگو کرتے ہوئے یوسف رضا گیلانی کا کہنا تھا کہ پیپلزپارٹی نے آج شہر سے انتخابی مہم کا آغاز کیا ہے، پیپلزپارٹی نے جتنی قربانیاں دی ہیں اتنی کسی پارٹی نے نہیں دی۔
رہنما پیپلزپارٹی کا کہنا تھا کہ بھٹو صاحب کو شہید کیا گیا تو پورے ملک میں خود سوزیاں ہوئیں، ہماری پارٹی کے لیڈرز کیساتھ ساتھ ورکرز نے بھی قربانیاں دیں، یوسف رضا گیلانی نے مزید کہا کہ دفاع کے لحاظ سے ہمارا ملک مضبوط ہاتھوں میں ہے۔
ہمارے جوان اور سیکیورٹی افسران دفاع کیلئے قربانیاں دے رہے ہیں، ہمارے ملک کے عوام بھی مضبوط ہیں، ہم عوام کی طاقت سے الیکشن میں آرہے ہیں۔