لاہور ہائیکورٹ نے عمران خان کی 9 مئی کے 7 مقدمات میں عبوری ضمانتیں بحال کردیں۔
عمران خان کے وکیل سلمان صفدر نے کہا کہ عمران خان توشہ خانہ میں گرفتاری سے قبل عدالت پیش ہوتے رہے، ضمانتوں کو عدم پیروی کی بنیاد پر خارج کر دیا گیا۔
ضمانتوں پر میرٹ کی بنیاد پر فیصلہ ہونا چاہیے تھا جو نہیں کیا گیا۔
وکیل نے استدعا کی کہ عدالت اے ٹی سی کا فیصلہ کالعدم قرار دے، عدالت نے وکلاء کے دلائل سنے کے بعد فیصلہ محفوظ کیا جو کچھ دیر بعد سنا کر ضمانتیں بحال کرنے کا حکم دیدیا۔
عدالت نے اے ٹی سی کو ویڈیو لنک پر حاضری لگا کر ضمانتوں پر فیصلہ کرنے کی ہدایت کر دی۔
