آسٹریلیا نے گولڈن ویزا ختم کردیا ہے جسکے تحت دولت مند غیر ملکی سرمایہ کاروں کو وہاں رہائش کا حق حاصل تھا۔
آسٹریلوی میڈیا کے مطابق گولڈن ویزے کا اجراء غیر ملکی کاروباری افراد کی توجہ حاصل کرنے کیلئے ڈیزائن کیا گیا تھا لیکن اس سے کوئی خاطر خواہ فائدہ حاصل نہیں ہو رہا تھا۔
آسٹریلیا کیجانب سے 2024ء کی امیگریشن پالیسی میں تبدیلی کرکے گولڈن ویزا ختم کرنے کا فیصلہ کیا گیا ہے، ویزے کے متبادل اسکلڈ ورکر متعارف کرایا جائے گا، اس طرح اب کاروباری افراد کی جگہ ہنر مند افراد کو آسٹریلیا کا موقع ملے گا۔
گولڈن ویزا کے تحت 2012ء سے اب تک اہم سرمایہ کاروں کو ایس آئی وی ویزے دیے جا چکے ہیں۔
