فلسطینیوں کے حامیوں نے امریکا کے صدر جوبائیڈن کیلئے تقریر کرنا مشکل کردیا۔
صدر بائیڈن انتخابی مہم کے سلسلے میں ورجینیا میں تقریر کر رہے تھے کہ اس دوران فلسطینیوں کے حامیوں کی جانب سے فلسطینیوں کے حق میں نعرے لگا کر بائیڈن کی تقریر میں خلل ڈالا جاتا رہا، دوران تقریر فلسطینی حامیوں نے صدر بائیڈن سے اسرائیلی مظالم رکوانے اور فوری جنگ بندی کرانے کا مطالبہ کیا۔
7 اکتوبر سے غزہ میں اسرائیل کے سفاکانہ حملے اور وحشیانہ بمباری جاری ہے۔
اسرائیلی حملوں میں فلسطینی شہدا کی تعداد 25 ہزار سے تجاوز کر گئی ہے جبکہ 62 ہزار سے زیادہ زخمی ہیں، لاکھوں بے گھر فلسطینی خوراک اور دواؤں کی شدید قلت کا شکار ہیں۔
