اسلام آباد، الیکشن کمیشن آف پاکستان نے انتخابی مہم میں سرکاری افسران کی تصاویر استعمال کرنے پر ضابطہ اخلاق کے تحت کارروائی کا فیصلہ کرلیا۔
الیکشن کمیشن نے چاروں صوبائی الیکشن کمشنرز کو مراسلہ بھیجا ہے جس میں ڈسٹرکٹ مانیٹرنگ افسران کو سرکاری افسران کی تصاویر استعمال کرنیوالے امیدواروں کیخلاف کارروائی کی ہدایت کی گئی ہے۔
مراسلے میں کہا گیا ہے کہ امیدوار اپنے پوسٹر، بینرز، ہینڈبلز پر کسی سرکاری اہلکار یا افسر کی تصویر نہیں لگا سکتا۔
سرکاری اہلکار یا افسر کی تصویر کا استعمال ضابطہ اخلاق کی شق 27 کی خلاف ورزی کے زمرے میں آتا ہے۔