اسلام آباد، نگران حکومت نے لاپتہ افراد سے متعلق اہم قدم اٹھا تے ہوئے حکومتی کمیٹی فعال کر دی اور جبری گمشدگیوں سے متعلق 5 رکنی حکومتی کمیٹی تشکیل دیدی۔
کابینہ ڈویژن نے نگران وفاقی کابینہ کا فیصلہ وزارت داخلہ کو بھجوا دیا، کمیٹی کے سربراہ وزیر قانون و انصاف ہوں گے۔
کمیٹی ارکان میں وزیر دفاع اور وزیر قومی ورثہ و ثقافت شامل ہیں، کمیٹی میں وزیر انسانی حقوق بطور رکن حصہ ہوں گے۔
کمیٹی میں ایک ماہر قانون یا انسانی حقوق تنظیموں کا نمائندہ شامل ہوگا، کمیٹی کی رپورٹ اور سفارشات وفاقی کابینہ کو پیش کی جائیں گے۔
