تحریک انصاف کی امیدوار صنم جاوید کی (ن) لیگ آفس جلانے کے کیس میں بعد از گرفتاری ضمانت کی درخواست پر فیصلہ محفوظ کرلیا گیا۔
انسداد دہشتگردی عدالت کے جج ارشد جاوید چدھڑ نے کیس کی سماعت کی اور کارروائی مکمل کرتے ہوئے پی ٹی آئی امیدوار کی ضمانت پر فیصلہ سنانے کیلئے آئندہ سماعت 29 جنوری تک ملتوی کردی۔
تحریک انصاف کی امیدوار صنم جاوید نے انسداد دہشتگردی عدالت میں میڈیا سے غیر رسمی گفتگو کرتے ہوئے کہا کہ مریم نواز کو بتادو میں میدان میں آگئی ہوں، میری انتخابی مہم میری فیملی چلائے گی، مریم نواز کا مقابلہ میرے لئے عوام کرے گی۔