بھارتی کرکٹ بورڈ (بی سی سی آئی) کے سیکرٹری جے شاہ ایک بار پھر ایشین کرکٹ کونسل کے صدر منتخب ہوگئے۔
انڈونیشیا کے شہر بالی میں ایشین کرکٹ کونسل کا اجلاس ہوا جس میں پاکستان کی نمائندگی قائم مقام چیئر مین پی سی بی شاہ خاور اور سی او سلمان نصیر نے کی۔
رپورٹس کے مطابق بھارتی کرکٹ بورڈ کے سیکرٹری جے شاہ کو اے سی سی کیلئے بطور صدر منتخب کیا گیا۔
گزشتہ ایشیا کپ میں پاکستان اور سری لنکا مشترکہ میزبان تھے، سری لنکا میں مسلسل بارشوں کی وجہ سے کئی میچ متاثر ہوئے جس وجہ سے جے شاہ کو شدید تنقید کا نشانہ بنایا گیا تھا۔
