لاہور ہائیکورٹ نے سابق وزیر اعلیٰ پنجاب پرویز الٰہی کی عام انتخابات 2024 میں انتخابی نشان” مور“ لینے کی درخواست خارج کردی۔
لاہور ہائیکورٹ کے جسٹس شاہد بلال حسن نے کیس کا محفوظ فیصلہ سناتے ہوئے پرویزالٰہی کی مور کے نشان لینے کی درخواست مسترد کردی۔
الیکشن کمیشن کا پرویز الٰہی کو گدھا گاڑی کانشان الاٹ کرنے فیصلہ برقرار رکھا گیا۔
پرویز الٰہی نے انتخابی نشان مور لینے کیلئے لاہور ہائیکورٹ سے رجوع کررکھا تھا، درخواست میں مؤقف اختیار کیا گیا تھا کہ درخواست گزار پی پی 33 سے الیکشن لڑ رہے ہیں۔
سپریم کورٹ نے الیکشن لڑنے کی اجازت دی ،انتخابی نشان ”مور“ الاٹ نہیں کیا جارہا ہے، درخواست میں یہ استدعا کی گئی تھی کہ انتخابی نشان ”مور“ الاٹ کرنے کا حکم دیا جائے۔
