لاہور، پی سی بی کے نئے چیئرمین کا انتخاب پی سی بی گورننگ بورڈ کے خصوصی اجلاس میں کل ہوگا۔
پی سی بی گورننگ بورڈ کا خصوصی اجلاس کل ہو گا، جس میں چیئرمین پی سی بی کا انتخاب کیا جائے گا، نگران وزیراعلیٰ محسن نقوی نئے چیئرمین پی سی بی کیلئے مضبوط امیدوار ہیں، پی سی بی گورننگ بورڈ کا اجلاس الیکشن کمشنر شاہ خاور نے طلب کیا ہے، گورننگ بورڈ میں پیٹرن کے دو نمائندے محسن نقوی اور مصطفیٰ رمدے شامل ہیں۔
اجلاس میں وزارت بین الصوبائی رابطہ کے سیکرٹری یا کوئی اور نمائندے نان ووٹنگ ممبر کی حیثیت سے شریک ہوں گے۔
محسن نقوی پاکستان کرکٹ بورڈ کے چیئرمین کیلئے مضبوط امیدوار ہیں وہ اس وقت نگران وزیراعلیٰ پنجاب کی ذمہ داریاں نبھا رہے ہیں۔
