کمشنر راولپنڈی نے انتخابی بے ضابطگیوں پر استعفے کا اعلان کرتے ہوئے کہا کہ مجھ پر ہارے ہوئے امیدواروں کو جتوانے کیلئے شدید دباؤ تھا۔
راولپنڈی کے کمشنر نے استعفے کا اعلان کرتے ہوئے کہا کہ مجھے الیکشن کروانے کے لیے تعینات کیا گیا لیکن میں شفاف انتخابات کروانے میں ناکام رہا میں نے لوگوں کو 70 ہزار ووٹوں سے ہارے امیدواروں کو جتوایا۔
میڈیا سے گفتگو کرتے ہوئے ان کا کہنا تھا کہ اس وقت بھی راولپنڈی میں جعلی مہریں لگائی جارہی ہیں، مجھ پر غلط کام کرنے کے لیے شدید دباو ڈالا گیا، میں قوم سے معافی مانگتا ہوں میں اپنے جرم پر خود کو پولیس کے حوالے کرتا ہوں۔
مسلم لیگ ن نے پیپلز پارٹی اور پی ٹی آئی کو ملکر حکومت بنانے کی دعوت دیدی
کمشنر راولپنڈی نے کہا کہ مجھے اور چیف الیکشن کمشنر اور چیف جسٹس کو کچہری چوک میں پھانسی دے دینی چاہیے میں نے آج صبح فجر کی نماز کی بعد خودکشی کرنے کی کوشش کی۔
لیاقت علی چھٹہ نے مزید کہا کہ میں نے پوری قوم کے ساتھ ظلم کیا ہے، میں اپنے ریٹرننگ افسران سے معافی مانگتا ہوں جو لوگ رات ہار رہے تھے ان کو ہم نے صبح جتوا دیا۔
اپنے ماتحت ریٹرننگ آفیسرز سے معذرت چاہتا ہوں، جب میں نے انہیں کہا آپ نے غلط کام کرنا ہے تو وہ بیچارے رُو رہے تھے، کمشنر راولپنڈی۔۔۔!#breakingnews #election #commissioner #rawlpindi #viralvideo #pakistan #CommissionerRawalpindi pic.twitter.com/Ma63SrZ6mt
— News Alert (@TheNewsAlertPK) February 17, 2024
ان کا کہنا تھا کہ تمام بیوروکریٹس کو کہتا ہوں کہ کوئی بھی غلط کام نہ کریں میں غلط کام کرنے پر اپنے آپکو پولیس کے حوالے کرتا ہوں ہم نے 14 امیدواروں کو غیر قانونی طور پر جتوایا ہے۔