الیکشن کمیشن نے صدارتی انتخاب کے لیے امیدواروں کا نوٹیفکیشن جاری کر دیا ہے۔
الیکشن کمیشن کے نوٹیفکیشن کے مطابق آصف علی زرداری اور محمود خان اچکزئی صدارتی امیدوار ہیں۔ دونوں کے درمیان ون ٹو ون مقابلہ ہوگا۔
حکومتی اتحاد کے صدارتی امیدوار آصف علی زرداری ہیں جبکہ محمود خان اچکزئی سنی اتحاد کونسل کے صدارتی امیدوار ہیں۔
یاد رہے کہ گزشتہ روز صدارتی انتخابات کے لیے امیدواروں کے کاغذات نامزدگی کی جانچ پڑتال کی گئی اور صدارتی امیدوار آصف علی زرداری اور محمود خان اچکزئی کے کاغذاتِ نامزدگی منظور کر لیے گئے تھے۔
صدارتی اتخابات کے لیے پولنگ 9 مارچ کو پارلیمنٹ ہاؤس اسلام آباد اور چاروں صوبائی اسمبلیوں میں صبح 10 بجے سے سہ پہر 4 بجے تک جاری رہے گی۔
