الیکشن کمیشن نے عام انتخابات کے 26 روز بعد بلآخر فارم 45 ویب سائٹ پر جاری کر دیے۔
الیکشن ایکٹ الیکشن کمیشن کو پابند کرتا ہے کہ وہ 14 دن کے اندر تمام فارم 45 ویب سائٹ پر ڈالے گا۔ قانون کے مطابق 14 دن کے اندر فارم 45 کو ویب سائٹ پر جاری کرنا لازمی ہے۔
الیکشن ایکٹ کی شق 95 کی ذیلی شق 10 اس حوالے سے الیکشن کمیشن کو پابند کرتی ہے۔
الیکشن کمیشن نے دیگر انتخابی فارمز بھی جاری کر دئیے، الیکشن کمیشن نے فارم 45، 46، 48 اور 49 جاری کیے۔
الیکشن کمیشن نے چاروں صوبائی و قومی اسمبلی کے حلقوں کے فارمز جاری کیے۔ الیکشن کمیشن نے حلقہ وائز فارمز جاری کیے۔
یاد رہے کہ اس سے قبل مجلس وحدت مسلمین نے الکیشن کمیشن کیخلاف فارم 45، 46، اور 48 جاری نہ کرنے پر درخواست دائر کر رکھی تھی جسے آج قابل سماعت قرار دے دیا گیا تھا۔
