دہلی پولیس کے ایک اہلکار کیجانب سے سڑک پر نماز ادا کرنے والے نمازیوں کو لاتیں مارنے کی ویڈیو منظر عام پر آگئی ہے۔
کانگریس سے تعلق رکھنے والے بھارتی رکن پارلیمنٹ عمران پرتاب گڑھی نے سماجی رابطے کے پلیٹ فارم (ایکس) پر ویڈیو شیئر کرتے ہوئے لکھا کہ یہ اہلکار بنیادی انسانی اصولوں سے بھی ناواقف ہے۔
یہ واقعہ دہلی کے علاقے اندرلوک میں پیش آیا جہاں رش کے باعث کچھ لوگ سڑک پر نماز ادا کرر ہے تھے، دہلی پولیس اہلکار موقع پر پہنچے اور لوگوں کو سڑک سے ہٹانے کی کوشش کرنے لگے، اس دوران 1 اہلکار کو سجدے میں موجود نمازیوں کو لاتیں مارتے ہوئے دیکھا گیا۔
بھارتی میڈیا کے مطابق پولیس کے 1 اعلیٰ افسر نے اپنے بیان میں کہا کہ واقعے کی انکوائری شروع ہوچکی ہے۔
