لاہور، ن لیگ اور پیپلزپارٹی کی پارلیمانی پارٹیوں کا اجلاس لاہور میں ہوا۔
پاکستان پیپلزپارٹی کے چیئرمین بلاول نے اجلاس میں مریم نواز کو وزیراعلیٰ بننے پر مبارکباد پیش کی، مریم کے رمضان پیکج سے غریب کو فائدہ ہوگا، متوسط طبقہ پہلے ہی مشکلات کا شکار ہے۔
بلاول کا کہنا تھا کہ پاکستان اس وقت سنگین بحرانوں سے گزر رہا ہے، مخصوص جماعت نے معاشرے میں تقسیم پیدا کردی ہے، سیاسی اختلاف کے باعث ہم ایک دوسرے سے ہاتھ ملانے کو تیار نہیں، لیکن پھر بھی ہم سب مل کر اس تقسیم کو ختم کرنا چاہتے ہیں، ہم سب مل کر تمام مسائل کا مقابلہ کریں گے۔