لندن، پولیس نے سوشل میڈیا پر سرگرم یوٹیوبر عادل راجہ کیخلاف دہشتگردی کا مقدمہ خارج کردیا۔
کاؤنٹر ٹیررازم پولیسنگ ساؤتھ ایسٹ عادل راجہ کیخلاف 9 مئی کو دہشتگردی پر اکسانے کے حوالے سے مزید کارروائی نہیں کرے گی، اس لیے پولیس نے عادل راجہ کیخلاف شواہد کی کمی کے سبب کیس بند کرنے کا فیصلہ کیا ہے۔
عادل راجہ کو گزشتہ برس 12 جون کو ٹیمز ویلی پولیس نے دہشتگردی پر اکسانے کے الزام میں چشم کے علاقے سے گرفتار کیا تھا۔
یاد رہے کہ عادل راجہ کو برطانیہ سے باہر ایک غیر برطانوی شخص کو اکسانے کے جرم میں گرفتار کیا گیا تھا، ان کو گرفتاری کے بعد 3 مرتبہ ضمانت ملی، پولیس نے انکے کمپیوٹر کا تفصیل سے جائزہ بھی لیا۔
