برطانیہ میں مسجد سے گھر آنیوالے پاکستانی نژاد کمسن بچے کو غنڈہ گردی کا نشانہ بنایا گیا۔
یہ واقعہ اسکاٹ لینڈ میں کلاسگو کا کوئنز پارک کے قریب پیش آیا جہاں 13 سالہ پاکستانی نژاد کمسن مسجد سے گھر واپس جارہا تھا کہ حملہ آوروں نے چاقو کے وار سے اسے لہو لہان کردیا۔
اطلاع ملتے ہی کمسن بچے کو ہسپتال منتقل کردیا گیا، جہاں اس کی حالت خطرے سے باہر ہے۔
پولیس کے مطابق پارک کے قریب سی سی ٹی وی فوٹیج کی مدد سے حملہ آوروں کو گرفتار کرکے انہیں عدالت میں پیش کردیا گیا ہے اور واقعے کی ہر پہلو سے تحقیقات کی جارہی ہے۔
