وزیراعظم شہباز شریف شمالی وزیرستان میں دہشتگردوں کے حملے میں شہید کیپٹن احمد بدر کے گھر تلہ گنگ پہنچ گئے۔
وزیراعظم شہباز شریف نے شہید کیپٹن احمد بدر کے والد کرنل ریٹائرڈ بدرالدین سے ملاقات کی اور دفاع وطن کے لیے ان کی عظیم قربانی پر خراج تحسین پیش کیا۔
ملاقات میں وزیراعظم نے کہا کہ شہداء پوری قوم کے ماتھے کا جھومر ہیں، شہداء کی قربانیاں کبھی رائیگاں نہیں جانے دینگے، وزیراعظم نے شہید کے والد کرنل ریٹائرڈ بدرالدین کو گلے لگا لیا۔
دوسری جانب ہفتے کو میر علی حملے میں شہید کیپٹن احمد بدر کو گزشتہ روز تلہ گنگ کے آبائی قبرستان میں پورے اعزاز کے ساتھ سپردخاک کیا گیا تھا۔
