لاہور ہائیکورٹ نے راشن بیگ سے نواز شریف کی تصویر ہٹانے کی استدعا مسترد کر دی۔
لاہور ہائیکورٹ نے راشن بیگ پر نواز شریف کی تصویر اور راشن بیگ کی تقسیم سے متعلق درخواست پر سماعت کی جس دوران درخواست گزار کے وکیل نے اپنے دلائل میں کہا کہ اس طرح آٹے کی تقسیم شہریوں کے وقار کے منافی ہے۔
عدالت نے درخواست گزار کے وکیل کے دلائل سننے کے بعد راشن بیگ سے نواز شریف کی تصویر ہٹانے کی استدعا مسترد کردی، عدالت نے بینظیر انکم سپورٹ کے ذریعے رقم شہریوں کے گھر پہنچانے کے معاملے پر نوٹس لے لیا۔
واضح رہے کہ پنجاب حکومت کیجانب سے دیے گئے نگہبان رمضان پیکج کے راشن بیگز پر نواز شریف کی تصویر لگانے پر اپوزیشن نے بھی تنقید کی تھی۔