اے ایس ایف عملے نے ملتان سے منشیات دوحہ اسمگل کرنے کی کوشش ناکام بناتے ہوئے ملزم کو گرفتار کرلیا۔
ایئرپورٹس سکیورٹی فورس کے عملے نے ملتان ایئرپورٹ پر کارروائی کرتے ہوئے دوحہ کی پرواز کے 1 مسافر سے 740 گرام آئس ہیروئن برآمد کرلی۔
مسافر معظم علی نے مذکورہ آئس ہیروئن بیگ کے آئنی فریم کے نیچے پیکٹس میں مہارت سے چھپا رکھی تھی۔
اے ایس ایف کے عملے نے سامان کی تلاشی کے دوران منشیات برآمد کرکے اسمگلنگ کی کوشش ناکام بنادی، ملزم کو ابتدائی تفتیش کے بعد برآمد شدہ منشیات سمیت مزید قانونی کارروائی کیلئے اے این ایف حکام کے حوالے کر دیا گیا۔