لاہور، پنجاب میں سکھ جوڑوں کی شادیوں کیلئے گوردوارے رجسٹر کرنے کا فیصلہ کرلیا گیا ہے۔
صوبائی وزیر برائے اقلیتی امور رمیش سنگھ کی زیر صدارت اہم اجلاس ہوا، جس میں سکھ آنند کراج میرج ایکٹ 2018 کے موضوع پر تفصیلی تبادلہ خیال کیا گیا۔
صوبائی وزیر نے کہا کہ پنجاب میں سکھ جوڑوں کی شادیاں کرنے کیلئے مختلف گوردوارے رجسٹر کیے جائیں گے اور 18 سال سے کم عمر کے لوگ شادی کے بندھن میں بندھنے کیلئے نااہل ہوں گے۔