وزیراعلیٰ پنجاب مریم نواز نے کہا کہ انہیں کھیلوں سے بہت لگاؤ ہے، زمانہ طالب علمی میں وہ بیس بال ٹیم کی کپتان تھیں۔
مریم نواز کی زیر صدارت اسپورٹس ڈیپارٹمنٹ کے حوالے سے اجلاس ہوا جس میں کھیلوں کے فروغ اور ٹریننگ کیلئے ملکی و غیر ملکی کوچز کی خدمات حاصل کرنے کی ہدایت بھی کی گئی۔
مریم نواز کا اس حوالے سے کہنا تھا کہ نوجوان نسل نشہ میں پڑنے کے بجائے کھیلوں کے میدانوں کو آباد کرے۔
وزیراعلیٰ پنجاب نے اسپورٹس سہولیات کی حفاظت کیلئے منٹیننس ڈیپارٹمنٹ بنانے کی ہدایت کی، موسم گرما کی چھٹیوں میں بچوں کیلئے اسپورٹس کیمپس لگانے کا فیصلہ بھی کیا۔
